Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 4.161.1 | Hdt. 4.162.4 (English) | >>Hdt. 4.164.2 |
4.162.2 Ἀρκεσίλεως γὰρ ὁ Βάττου τε τοῦ χωλοῦ καὶ Φερετίμης οὐκ ἔφη ἀνέξεσθαι κατὰ τὰ ὁ Μαντινεὺς Δημῶναξ ἔταξε , ἀλλὰ ἀπαίτεε τὰ τῶν προγόνων γέρεα . ἐνθεῦτεν στασιάζων ἑσσώθη καὶ ἔφυγε ἐς Σάμον , ἡ δὲ μήτηρ οἱ ἐς Σαλαμῖνα τῆς Κύπρου ἔφυγε .
4.162.3 τῆς δὲ Σαλαμῖνος τοῦτον τὸν χρόνον ἐπεκράτεε Εὐέλθων , ὃς τὸ ἐν Δελφοῖσι θυμιητήριον , ἐὸν ἀξιοθέητον ἀνέθηκε , τὸ ἐν τῷ Κορινθίων θησαυρῷ κέεται . ἀπικομένη δὲ παρὰ τοῦτον ἡ Φερετίμη ἐδέετο στρατιῆς ἣ κατάξει σφέας ἐς τὴν Κυρήνην .
4.162.4 ὁ δὲ Εὐέλθων πᾶν μᾶλλον ἢ στρατιήν οἱ ἐδίδου · ἡ δὲ λαμβάνουσα τὸ διδόμενον καλὸν μὲν ἔφη καὶ τοῦτο εἶναι , κάλλιον δὲ ἐκεῖνο , τὸ δοῦναί οἱ δεομένῃ στρατιήν .
4.162.5 τοῦτο ἐπὶ παντὶ γὰρ τῷ διδομένῳ ἔλεγε , τελευταῖόν οἱ ἐξέπεμψε δῶρον ὁ Εὐέλθων ἄτρακτον χρύσεον καὶ ἠλακάτην , προσῆν δὲ καὶ εἴριον . ἐπειπάσης δὲ αὖτις τῆς Φερετίμης τὠυτὸ ἔπος , ὁ Εὐέλθων ἔφη τοιούτοισι γυναῖκας δωρέεσθαι ἀλλʼ οὐ στρατιῇ .
ch. 163
4.163.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 4.161.1 | Hdt. 4.162.4 (English) | >>Hdt. 4.164.2 |